بە پێی هەواڵی مێهر، حەوتەمین خولی فستیڤاڵی شانۆی کوردی «یوتوبوری» بە یادی هونەرمەند دڵشاد ئەحمەد ئەکتەری ناسراوی شانۆی هەرێمی کوردستان لە سوید بەڕێوە چوو.
یەکەمین ڕۆژی حەوتەمین خولی فستیڤاڵی شانۆی کوردی «یوتوبوری»، شانۆی (هیچم نییه بیشارمه‌وه) لە دەرهێنانی رێژەن جەمال لە هەرێمی کوردستانی عێراقەوە بە شێوەی ئانلاین بەڕێوە چوو.
لە دووهەمین ڕۆژیشدا شانۆی (کچه سه‌تلییه‌که) لە دەرهێنانی فاتح بادپەروا لە ئێرانەوە بە شێوەی ئۆنلاین بەڕێوە چوو.
سێهەمین ڕۆژی فستیڤاڵەکەش دانیشتنی پسپۆڕانە بە بەشداری دانا عەلی سەعید و زاهیر عەبە ڕەش نووسەر و دەرهێنەری شانۆ بەڕێوە چوو.
شیاوی ئاماژەیە حەوتەمین خولی فستیڤاڵی شانۆی کوردی «یوتوبوری» لە لایەن ئەنجومەنی نێونەتەوەیی هونەرە جوانەکانی «یوتوبوری» بە سەرۆکایەتی عیزەت رەئووف و بەڕێوەبەرایەتی نەوزاد باهیر بە شێوەی ئۆنلاین بەڕێوە چوو.
Your Comment